Siglir tar il cuntegn

Header

audio
App per ir a pestga.
Linus Livers
laschar ir. Durada: 3 minutas 59 Secundas.
cuntegn

Ir a pestga cun in'app enstagl dal cudischet da statistica

Da nov datti ina app per nudar ils peschs pigliads. Nua è il pesch vegni piglià, tge di, tge sort e con lung era il pesch - gist sco en il cudeschet da statistica. L'avantatg è che l'uffizi da pestga grischun ha pli pauc lavur da datas ed il pestgader ha in archiv persunal sin il telefonin.

Il pestgader po era nudar quant ditg ch'el ha gì enfin ch'el ha piglià il pesch, il telefonin quinta alura la quota da success. Avant che duvrar l'app vegn dentant recumandà da sinfurmar da rudent, co ch'ella funcziuna, uschiglio datti ina multa, di Andrea Baumann da l'uffizi da pestga grischun. Sch'ins n'ha nagina colliaziun cun la rait dinternet en il lieu da pestga n'è quai nagin problem, l'app arcuna las datas e trametta ellas pli tard via internet. Tar ina controlla sto il pestgader simplamain smatgar eveniment actual e lura ha il controllader tut las indicaziun necessarias.


En il futur èsi planisà da colliar l'app cun datas da GPS, per levgiar al pestgader la lavur. L'app da pestga datti enfin uss mo per tudestg, la versiun taliana è dentant planisada.

L'app gratuita pon ins chargiar sin la pagina www.ajf.gr.ch/fischerei-app.

Là chattins era ulteriuras infurmaziuns ed in manual tar lapp.

Dapli da «Co e cum»

Scrollar a sanestra Scrollar a dretga