Ins po vegnir en in urizi

Persunas che van a viandar duessan sa preparar per la tura. Nadia Deplazes da Surrein, ella è sa scolada sco guid da viandar e dat intgins tips en connex cun laura.

In viandant sto savair co reagir durant in urizi.
Legenda da maletgs: In viandant sto savair co reagir durant in urizi. ANR

Ina tura duess ins planisar bain, surtut ils dis chì ha nivels. Ins sto ponderar, tge tura che saja adattada en mintga situaziun, di Nadia Deplazes. Impurtant èsi chins possia sorientar ed in avantatg saja schins po leger ina carta. Ins sto era ponderar, sch'i dat variantas ubain pussaivladads da scursanir ina tura, surtut sche laura sa mida. Quai po capitar spert en las muntognas. La damaun èsi anc bellaura, e tuttenina vegn ins en in urizi. Surtut schi entschaiva a tunar e chamegiar, èsi d'observar intginas reglas:


• mai star ensemen en ina gruppa
• na betg ir sut ina planta (plitost tschertgar refugi en in guaud) ubain sin crests
• evitar auas e saivs electricas
• schins na po betg ir enavant, èsi bun da star a granugl e tegnair ensemen las chommas

Autur/a: Hubert Giger