Guardar sin il telefonin avant ch’ir a durmir – bun u nausch?

In buob en la glisch clera dal telefonin.
Legenda da maletgs: In buob en la glisch clera dal telefonin. Keystone

Mintgin enconuscha quai, star en letg la saira ed esser vi dal telefonin. La glisch blaua dal telefonin nè dentant betg buna avant che durmir. Ella blochescha la producziun da lormon da durmir melatonin, e perquai na pon ins betg sa durmentar bain.

Exact per quai han ils producents dals telefonins inventà il modus da notg «Night Shift». La glisch blaua sa mida en glisch oranscha e na sveglia betg. Questa funcziun datti era per il notebook.

Co drizzar en il modus da notg – Apple

Avrir la app regulaziuns ed elger «visualisaziun & clerezza». Lura activar la funcziun «Night Shift» cun smatgar sin planisà. Pussaivel è da fixar da cura fin cura che la glisch blaua duai esser deactivada, e quant chauda u fraida che la colur duess esser.

Co drizzar en il modus da notg – Android

Sche Vus avais ina versiun dad Android pli bassa che 7.0, stuais lemprim dar liber il «System UI Tuner». Ma sche vus avais ina versiun pli nova (p.ex. 9.3), lura pudais Vus simplamain scuar da sisum duas giadas sur il telefonin per che vus vesais tut ils pitschens simbols. Lura smatgais Vus giusut dretg sin elavurar e tirais lopziun modus da notg si en la sparta nua che la chazzola da notg, bluetooth ed auter è.
Lura smatgais sin il paliet sisum sanester, epi duessas vesair il simbol dal modus da notg; eventualmiain stuais scuar ina giada encunter dretg sin la segunda pagina per chattar il simbol. Cun tener smatgia in per secundas sin il simbol, vegnis Vus sut regulaziuns e pudais reglar la fermezza da la colur ed il temp dal modus da notg suenter Voss gust. U simplamain smatgar ina giada sin il simbol dal modus da notg, e surpigliar las regulaziuns chèn gia tschentadas en automaticamain.

Autur/a: Ronja Muoth