Siglir tar il cuntegn

Header

audio
Uschia guardass ora ina buna giassa da salvament.
motortipps.ch
laschar ir. Durada: 1 minuta 57 Secundas.
cuntegn

Giassa da salvament

Teoreticamain èsi fitg simpel: Ils autos van a l'ur da la via, entamez datti in vial per ambulanza, polizia e pumpiers. Ma tenor la Polizia chantunala dal Grischun è quai be pauc il cas.

Cura ch'ins percorscha colonnas d'autos sin l'autostrada, lura èsi da far la giassa da salvament. Sco emprim èsi da tegnair distanza tar auters autos. Quai è impurtant per pudair far la giassa. Schi n'è betg avunda plaz po quai vegnir stretg. En il mender cas vegn lura bloccà il vial per l'ambulanza u ils pumpiers.

Nua sviar?

En general vala la regla: Ils autos sin il vial il pli a sanestra van pli lunsch sco pussaivel a sanestra, tschels autos van pli lunsch sco pussaivel a dretga. Il vial da panna restà atgnamain scumandà, ma en in tal cas pon ins era ir sin quel.
Impurtant è: Forzas d'intervenziun sco l'ambulanza, ils pumpiers e la polizia ston pudair passar tras il vial, e quai senza franar. Sche quai n'è betg il cas perdan els temp impurtant ed i dat il pli probabel unfrendas.

Co sa cumportar?

Ins resta en l'auto. Nagin flanescha enturn sin la via. Plinavant èsi d'observar il traffic e da metter pli da bass il radio. Uschia na vegn ins betg disturbà.

Dapli da «Co e cum»

Scrollar a sanestra Scrollar a dretga