Geranis – ina flura cuntenta cun pauc

Ussa èsi uschè lunsch, ils geranis orneschan puspè las chasas, ins sa dir en l'entira Europa. La flura oriunda da l'Africa che nus enconuschain sco flura da balcun è il Pelargonium Peltatum (quel che penda) ed il Pelargonium Zonale quel che crescha dretg si.

Gernais en fluriziun.
Legenda da maletgs: Geranis en fluriziun. RTR, Linus Livers

Els appartegnan tar la famiglia dils geranis (geraniacea). Il gerani flurescha quasi l'entira stad fin viaden en l'atun. Per che quai gartegia èsi impurtant da procurar per ina buna partenza en la stad. Per cuntanscher quai èsi da dar avunda tiara al gerani, per ch'el sappia far ragischs.

Spargnar cun aua – vul dir, ils geranis fan dapli e pli fermas ragischs cun pauca aua. Il gerani è ina flura che dovra nutriment. Quai è ina giada nutriment sin basa da nitrat per la feglia e pli tard en la stad nutriment sin basa da calium, per la fluriziun.

Il gerani po vertir in plaz en il sulegl cumplain. El crescha dentant era en mez sumbriva. En nossas regiuns è il gerani ina flura da stad. En tiaras pli chaudas è il gerani però ina flura da plirs onns che fa in bist bunamain sco in lain.

Autur/a: Linus Livers