Siglir tar il cuntegn
Inhalt

Co e cum Evitar d’emblidar en la vegliadetgna

Sco cha noss corp vegn cun la vegliadetgna pli debel e pli vegl, vegn era noss tscharvè pli vegl. Ins emblida pli spert causas, ins ha fadia dad emprender e per sa regurdar vi da memorias han ins era pli ditg. Cun in trenament per il tscharvè pon ins retardar il process da vegnir vegl dal tscharvè.

Novas sfidas treneschan il tscharvè. Quai sa per exempel esser l’occupaziun cun il computer ed il internet.
Legenda: Novas sfidas treneschan il tscharvè. Quai sa per exempel esser l’occupaziun cun il computer ed il internet. Colourbox

Cun il tscharvè èsi en sasez sco cun noss corp: Dapli che sa trenescha e pli fits ch’ins è. Plitost suenter la pensiun saja quai empurtond ch’ins trenescha il tscharvè manegia Christian Koch, il co-schefmedi da la gerontopsichiatria dal servetsch psichiatric in grischun. I saja tissi per il tscharvè sch’ins sesa mo davant la televisiun e ins spetga che i vegn saira.

Christian Koch
Legenda: Christian Koch cusseglia da far almain 2-3 giadas l'emna in pitschen trenament per il tscharvè. RTR, Fabia Caduff
Rutina è tissi per il tscharvè. Tut quai che è nov è effectiv. Il tscharvè duvrà ina sfida.
Autur: Christian KochCo-schefmedi da la gerontopsichiatria da la PDGR

Era la rutina è tissi per il tscharvè. Per exempel sch’ins fa dapli onns engiavineras da pleds cruschads, sche lura na es quai betg pli in trenament. Il chau sa lura precis tge che el ha da far e pel pli sa enconuscha las respostas gia prest ordador.

Precis il cuntrari sa stuess far per restar fits en il chau: esser activ e tschertgar ina nova sfida.

Pazienza, motivaziun e curaschi

Nov – nov –nov è la devisa per trenar il tscharvè. Cumenzar cun insatge tut nov e il meglier. Per exempel emprender ina nova lingua, far in curs da sautar, cumenzar in nov sport o sa ristgar vi da la tecnica sco il computer e l’internet.

Dentant datti era pli pitschnas causas per restar fit. Cun guardar veglias fotografias e sa regurdar vi da la situaziun sin la fotografia, sa regurdar vi da las persunas, vi dals nums ni numers da telefon e.e.e. In auter exempel e da leger la gasetta ed empruvar da sa regurdar vi dal text.

Effectiv è il trenament ch’ins sa sto strapatschar il chau.
Autur: Christian KochCo-schefmedi da la gerontopsichiatria da la PDGR

Da quels exercizis na ston ins betg far mintga di. Dentant cusseglia Christian Koch da far 2-3 giadas l’emna e quai regularmain. Effectiv es il trenament cura ch’ins sto turmentar. Cura ch’ins sto propi sfurzar il chau a studegiar.

E perquai di Christian Koch, vulì per trenar il tscharvè oravant tut: Pazienza, motivaziun ed ina gronda purziun curaschi.