Siglir tar il cuntegn

Header

audio
Bondo duront la lavina da glera
Keystone
laschar ir. Durada: 2 minutas 43 Secundas.
cuntegn

Evacuaziun? Tge far!?!

Il cas a Bondo mussa, i po ir spert da l'alarm fin tar l'evacuaziun. Tant pli impurtant è da savair tge ch'ins ha da far en in tal cas.

L'Uffizi federal recumonda da dar l'emprima prioritad a chaussas persunalisadas sco per exempel medicaments, egliers, lentinas, cartas d'identitad, pass u cartas da credit. Era il telefonin cun cabel da chargiar po gidar en situaziuns dischagreablas. Plinavant duai ins prender cun raps en bar per il cas ch'ils sistems digitals na funcziunan betg pli. Era buna vestgadira e chalzers sco era resti suten sa far pli supportabla la situaziun.

Sche betg mintga secunda quinta

Sche n'avess betg dad ir per mintga secunda, mabain sch'ins ha in pau dapli temp per sa preparar sin ina evacuaziun alura pon ins era pachetar in satgados cun urden dad igiena, tramagls per ils uffants u ina chazzola da satg. Tut tenor fai era senn da prender cun da baiver e da mangiar che basta per las proximas 24 uras. Uschia èn ins sin la vart segira sch'il sustegn na vess betg da funcziunar sco planisà.

Prioritad han ils umans e lura ils animals

Animals pon ins era evacuar. Dentant han ils umans prioritad. Pia sco emprim salvar las persunas da la famiglia e vischins avant ch'ins salva il giat u il chaun etc. Il transport dad animals da chasa possia dentant daventar problematic sch'ins resguarda ch'animals pon daventar agressivs en situaziuns da tema e stress.

Dapli da «Co e cum»

Scrollar a sanestra Scrollar a dretga