Daivets che sa liquideschan tut da sez

L'emprim da schaner 2017 scadan milliuns da certificats da daivets en Svizra chèn vegnids tschentads ora avant l'onn 1997. L'emprim da schaner èsi 20 onns dapi che la lescha è vegnida midada.

Entgins buols tar in uffizi.
Legenda da maletgs: qua sto vegnir instradada la procedura. Keystone

Fin uss avevan quels certificats nagin termin da scadenza. Na vegnan quels ch'han dabun daners betg activs, daventan ils pertutgads libers da daivets. Activs vul dir ch'i sto vegnir instradà ina nova procedura tar l'uffizi da scussiun. Lu cumenza il termin da scadenza da 20 onns puspè tar nulla.

Passa 2 milliuns francs a Cuira

Ina survista da tut ils certificats da daivets en Svizra na datti betg. Il biro d'incasso Creditreform schazegia il diember dals certificats pertutgads da quest termin sin 3 milliuns. La summa da daivets a radund 15 milliardas. La citad da Cuira è vegnida activa ils ultims onns ed ha registrà tut ses certificats da daivets che sa schliassan cun la fin da l'onn. E vegnids ensemen èn 1'100 certificats ed ina summa totala da 2,5 milliuns francs.

Dentant ha Cuira fatg ses pensums per na laschar ir a perder ils milliuns. Numerus debiturs han dentant pajà lur daivets a la citad. Cun auters è vegnì fatg ina cunvegna a lunga vista da pajar enavos en ratas lur daivets. E per il rest ha la citad inoltrà ina nova procedura tar luffizi da scussiun.

Autur/a: Georgina Janki