Curta vesida tar uffants

Adina dapli uffants e giuvenils èn da curta vesida. Oravant tut en l'Asia èn adina dapli uffants pertutgads, en China varga 50%. Co è la situaziun en il Grischun?

Uffant cun egliers.
Legenda da maletgs: Adina dapli uffants e giuvenils èn da curta vesida. Dreamstime

La curta vesida

Curta vesida sa sviluppescha sche l'egl e massa lung. Sche l'uffant crescha, lura cresch l'egl cun e daventa adina pli lung. Sch'el è massa lung, lura n'è il focus betg pli sin la retina - Netzhaut - ed il maletg daventa turbel. Sch'ins è da curta vesida, lura na vesan ins betg bain sch'ins mira en il lontan. Ins dovra egliers u lentas, per puspè vesair bain ils objects ch'èn lunsch davent. Sch'ins è varga 20 onns, lura vegn in'operaziun da laser en dumandà. Per uffants e uschè in'operaziun memia malsegira.

Raschun per curta vesida è betg enconuschent

Las raschuns per curta vesida n'èn anc betg perscrutads. Ina da las raschuns las pli probablas è il diever da novas tecnologias. Curta vesida sa sviluppescha sch'ins focusescha l'egl memia ditg sin il damanaivel, quai ch'ins far sch'ins lavura vid il computer u sch'ins legia. I sa tracta dentant mo da speculaziuns. La curta vesida n'è betg perscrutada bain.

Meds da prevenziun

Enconuschent è dentant in pèr meds da prevenziun. Ils uffants duain passentar uschè bler temp en il liber, far sport e na betg esser l'entir temp avant il computer ed igl e impurtant dad avair ina buna glisch. Per uffants ch'han egliers èsi bun da magari metter lez da la vart.

Autur/a: RTR/td