Siglir tar il cuntegn

Header

audio
Keystone
laschar ir. Durada: 1 minuta 59 Secundas.
cuntegn

Co vegnir tar la patenta da chatscha?

Blers giuvens e bleras giuvnas accumpognan lur bab, non u collega cura ch'i van a chatscha. Ils blers dad els lessan lura sezs far la patenta da chatscha. Ma quai na va betg mo cun tschentar la dumonda. In onn e mez plain curs, provas ed autras prestaziuns spetga sin ils novizs.

Tut cumenza cun lannunzia. Quella ston ins far tar in dals guardia chatscha da la regiun. Ina glista cun contacts sa chatti tar l'uffizi da chatscha. Premissas per sannunziar na datti betg bleras. Esser almain 17 onns, quest onn dimena annada 1999 o pli vegl, avair ina carta didentitad e natiralmain avair interess. 300.- francs custi per sannunziar, plus 20.- francs taxas. Ils curs e las provas obligatoricas èn inclusivas.

Prestaziun da tgira

Il prim pass suenter lannunzia è la prestaziun da tgira. Vul dir, tgirar pradas e urs da guauds, marcas zonas da protecziun etc. Nua chins fa quai, pon ins decider sez. Ils servetschs vegnan organisads da las secziuns da chatschaders. Fin tar l'emprima prova proxima stad, han ins da prestar almain 30 uras, fin a la prova da teoria finala ston ins prestar 50 uras.

Curs e provas

Il prim curs è la furmaziun dad armas. Ins emprenda co ir enturn cun schluppet da chatscha e flinta e tge ch'ins ha da resguardar a la chatscha. A la prova dad armas han ins da trair cun tuts dus schluppets e mussar in maun segir.

Al test final, la prova da teoria, vegn lura era la selvaschina, la natira e la lescha da chatscha tematisada. Qai test ha lieu la primavaira suenter la prova dad armas. Schil test da teoria è versà, pon ins finalmain sa numnar chatschader.

Dapli da «Co e cum»

Scrollar a sanestra Scrollar a dretga