Co tschertgar abitaziuns favuraivlas?

Gist en las citads pli grondas da la Svizra èsi difficil da chattar in'abitaziun favuraivla. Sch'ins sa però co tschertgar e s'annunziar per in'abitaziun, n'èsi betg impussibel.

In computer che ha avert in portal d'imobiglias.
Legenda da maletgs: Co tschertgar in'abitaziun favuraivla? Keystone

Inserats d'abitaziuns libras chatt'ins surtut sin portals d'immobiglias en l'internet. Nina Spielhofer da la plattafurma da cumparegliaziun Comparis cusseglia dentant era da dumandar ad amis ed enconuschents persunalmain e sur ils chanals da social media, schi sappian dad insatgi che fa midada. Bleras abitaziuns giajan numnadamain davent senza chellas sajan stadas scrittas ora ina giada.

Reagir spert e far in dossier

In document ch'i dovra en mintga cas per s'annunziar per in'abitaziun è l'extract da l'uffizi da stumadira, e quai per tut las persunas creschidas che vulan lura far midada en l'abitaziun. Dasperas fai senn da metter tiers ina brev da motivaziun, nua ch'ins descriva curt tgi ch'ins è e pertge ch'ins tschertga in'abitaziun. Ch'ins fa cun ils documents in pitschen dossier e metta forsa era anc tiers ina fotografia, augmenta las schanzas per survegnir l'abitaziun che plascha. In factur fitg impurtant è però er ch'ins reagescha fitg spert. Las annunzias ch'arrivan sco emprim tar ina administraziun d'immobiglias vegnan numnadamain plitost resguardadas.

Autur/a: Gierina Gabriel / Onna Riedi