Co ma prepar jau optimal sin la pensiun?

I na dat betg il recept che vala per tuts, di il cussegliader da finanzas Damian Gliott. I dat dentant insaquantas reglas.

In dumbrader, daners e pupials sind maisa.
Legenda da maletgs: Far preparaziuns per la pensiun. Keystone

L'AVS, l'emprima pitga e la segunda pitga funcziunan quasi da sez. Qua vegni pajà en daners automaticamain sch'ins lavura. Per propi esser segirà optimalmain per la pensiun èsi dentant d'avantatg dad er avair ina terza pitga. Ed il meglier èsi da pajar èn gia davent dal cumenzament en quella. Pia uschè spert sco ins survegn ina paja da radund 50'000 francs ad onn. Sche pussaivel fai senn da pajar en la summa maximala ch'è il mument tar bun 6'700 francs.

Uschè spert sco il conto da terza pitga ha si 50'000 francs fai senn dad avrir in ulteriur conto. Quai per ch'ins po retrair la terza pitga en parts, uschia pon ins spargnar taglia. Insumma pon ins trair giu ils daners ch'ins ha pajà en la terza pitga tar la taglia. Quai renda pia betg pir tar la pensiun, mabain gia avant.