Co liar la cravatta ed il fular?

Tar il fular èsi impurtant che tut las dunnas en il chor portan quest tuttina, il meglier uschè simpel sco pussaivel. E chantadurs duain prender in bun exempel da Barack Obama e betg far il medem sbagl sco Donald Trump e purtar la cravatta memia lunga.

Sascha Decurtins e Marianna Blumenthal da la Moda Decurtins a Glion
Legenda da maletgs: Sascha Decurtins e Marianna Blumenthal da la Moda Decurtins a Glion RTR, Alice Bertogg

Ina cravatta na dastga betg esser memia lunga e betg memia curta. Ideal è sch'ella tanscha enfin mez la tschinta. Ed il nuf da la cravatta tutga sa chapescha amez il culier.

Il fular da las dunnas n'è betg uschè cumplitgà sco la cravatta dals umens. La dunna na po betg purtar fauss il fular. Ma las preferientschas co purtar quest èn differentas. La vendidra da moda, Marianna Blumenthal cusseglia che las dunnas en il chor portian tuttas tuttina il fular e quai uschè simpel sco pussaivel.

Laschar ir video «Il nuf da Windsor / Obama»

Il nuf da Windsor / Obama

1:33 min, dals 8.6.2017

Autur/a: Alice Bertogg