Co far in pachet per l’acziun 2xNadal

Sustegnair l'acziun 2xNadal pon ins sin duas differentas modas: U cun far in pachet cun victualias che laschan tegnair e products d'igiena, u trametter in pachet online.

Anc enfin ils sis da schaner pon ins metter ensemen pachets per 2xNadal.
Legenda da maletgs: Anc enfin ils sis da schaner pon ins metter ensemen pachets per 2xNadal. Keystone

Far in pachet a chasa:

  • Pachetar ils products en ina stgatla da chartun.
  • Products adattads: cuppas da conservas, pasta, ris, café, té, products d'igiena (pasta e barschuns da dents, savun e schampo)
  • Dar giu il pachet tar il proxim spurtegl da posta.
  • Vegn tramess gratuitamain a 2xNadal.

Far il pachet online:

  • Ir sin la pagina www.2xweihnachten.ch.
  • Metter ensemen ils products giavischads per il pachet u eleger la summa giavischada.
  • Pajar pon ins gist online cun la carta da credit, u er cun in cedel da pajament.
  • Cun la donaziun vegn lura cumprà gist al lieu in pachet per persunas en povradad en pajais da l'Europa da l'Ost u l'Asia Centrala.
  • Cun il pachet online pon ins evitar lungs transports e custs. Plinavant vegn er gist l'economia dal pajais sustegnida.

Autur/a: Selina Chistell