Il pli grond sbagl è tenor Walter Frizzoni, co-directur da la chanzlia chantunala sch'ins lascha vid l'attest da votrar. Lura valan numnadamain tut ils cedels nagut.
Cun emplir ora il cedel d'eleger racumonda el, da mo scriver si il num. Sch'ins scriva si offensiuns, na vala tut il cedel betg pli. Era nums da fantasia ni persunas ch'ins na po betg eleger vegnan stritgadas. In auter punct è l'ortografia. Sch'ins scriva il num falliu, ma è anc adina cler tgi ch'è manegià lura vala la vusch tuttina.