Co dismetter medicaments vegls?

Medicaments na duess ins betg dismetter en il rument da chasa. Quels valan sco rument spezial e vegnan ars separat.

En quest magasin vegn rimnà rument spezial (p. ex. medicaments)
Legenda da maletgs: En quest magasin vegn rimnà rument spezial (p. ex. medicaments) RTR, Selina Chistell

Ina gronda part dals medicaments che na vegnan betg pli duvrads en perchasas, ospitals, labors ed apotecas Grischunas sa tschentan tar la fatschenta Remondis Schweiz AG che ha ina sedia a Trimmis. Là vegnan ils medicaments vegls partids si en categorias.

  • medicaments levs sco per exempel tablettas dil mal
  • medicaments liquids sco per exempel infusiuns
  • medicaments ferms sco per exempel medicaments da cancer

Differenta temperatura da brisch

La finala vegnan ils medicaments ars en brischeras. Ils medicaments levs sco tablettas da mal il tgau vegnan ars en in furn da la Gevag a Trimmis tar circa 800 grads. Medicaments pli ferms e medicaments liquids na vegnan dentant betg dismess en il chantun Grischun. Quella medischina vegn medemamain sortida a Trimmis, dentant transportada giu Turitg ni Genevra en furns dad auta temperatura. Medicaments da cancer ston vegnidr brischads tar rodund 1'300 grads. Plinavant ston ils furns avair filters spezials che filtreschan las particlas.

Autur/a: Selina Chistell