Tge fan ins? Ins va e cumpra anc in segund u in terz cabel per ch'i tanschia.
Quai duessan ins resguardar tar la cumpra:
- Cumprar apparats originals, e betg bunmartgads da l'Asia. Quels pon chaschunar fieus e donns al smartphone. Tut tenor funcziuna l'USB era betg endretg per transferir datas sin il computer.
- Nov datti apparats che chargian dubel e traidubel pli svelt che normals. Quels han num quick chargers ed i dat da cumprar els per ils telefonins novs.
- En il cas ch'ins ha differents telefonins e tablets, pon ins cumprar in cabel d'USB universal. Quai cabel ha a la fin in adapter d'USB e da lautra vart differents cabels per differentas grondezzas.
- Sch'ins vul evitar la salata da cabels, pon ins cumprar ina staziun da chargiar senza cabel. Sin quella staziun pon ins sulettamain metter il telefonin e quel chargia da sez. Quella funcziun dovra la medema tecnica sco ina maschina da lavar dents.