Bulieus – era sco dessert

Cun bulieus pon ins far bunamain tut: Prespisa, spisas principalas e schizunt desserts. Far desserts cun bulieus tschep e bulieus mellens è insatge tut spezial.

Chantarels tranter ragischs.
Legenda da maletgs: Chantarels pon era dar in dessert. RTR, Gion Gieri Flepp

Tenor Ruth Debernardi è il bulieu fitg adattà per crear spisas dultschas. Pertge in bulieu neutral saja ina victualia plitost dultscha e betg exnum salada. Ruth Debernardi è docenta da biologia en la scola auta da Berna ed ha creà cun sias studentas e ses students in cudesch da recepts cun desserts cun bulieus.

Bulieus en cumbinaziun cun fritgs

En general pon ins dir che bulieus van a prà cun fritgs ed era cun products da latg. Impurtant è chils bulieus vegnan cumbinads cun avunda liquid. Sche betg, lura è la schanza gronda che la petta u ils biscuits vegnan sitgs.