Autos electrics daventan adina pli populars

Pli bass pretschs e las battarias pli effizientas. Ils autos d'electro dad oz èn multifars, sin tge èsi uss da guardar schins vul cumprar in tal auto d'electro?

Stephan Kaufamann da Viamala Turissem inaugurescha l’emprim tancadi spert per autos electrics a Tusaun.
Legenda da maletgs: Stephan Kaufamann da Viamala Turissem inaugurescha l’emprim tancadi spert per autos electrics a Tusaun RTR, Federico Belotti

Pendularis da Cuira a Domat per exempel na dovran betg ina battaria cun gronda prestaziun, ma tgi che vul ir pli lunsch sto avair battarias cun ina prestaziun pli gronda. Per exempel datti gia oz battarias per autos d'electro che pon far fin a 400 kilometers cun ina battaria plaina. Lenviern po la prestaziun da las battarias dentant sa reducir marcantamain.

Era autos electrics cun tracziun 4x4

Sin la fiera datti era autos electrics cun tracziun a quatter rodas, quels custan en general però dapli. Pertutgant la segirtad èn autos electrics medem segirs sco autos da carburant.

Autur/a: Federico Belotti