Aua n'è betg mo qua per la said, aua sa anc bler dapli. Per exempel survegn ins bler pli bella pel sch'ins baiva avunda aua ed era il corp funcziuna meglier.
Sch'ins ha memia pauc aua en il corp po quai dar ch'il sang vegn gross. Cun quai ha era noss cor dapli da pumpar. Uschè ch'il sang va pli plaun tras il corp e ils musculs survegnan memia pauc oxigen ed era il transport da tissi, che sa chatta en noss corp, va pli plaun.
Sintoms san lura esser: nauscha concentraziun, stancladad u mal il chau.
Depressiuns e demenza
Memia pauc aua en il corp po esser in factur per ina depressiun, plitost tar persunas sur 40. In scopo è che l'aua sustegna il corp en il transportar d'infurmaziuns d'in lieu a l'auter. Tranter auter era per l'ormon serotonin, l'ormon che tgira per allegria.
Dentant po ina mancanza d'aua era esser in factur per ina tscherta sort da demenza. In studi e vegnì al resultat ch'ins po guarir quella demenza senza medicaments, dentant be cun baiver enturn 4 liters aua al di.
2-3 liters aua al di
Ideal saja quai da baiver 2-3 liters aua al di. Però memia bler aua n'è era betg bun per il corp. Sch'ins baiva memia bler po quai dar ch'ins survegn ina tissientada. Davent da 7 liters aua al di vegni privlus.