Sch'in collavuratur vegn malsauns lura manca el natiralmain en fatschenta. Per il patrun n'è quai betg adina agreabel. Oravant tut cura ch'i dat bler da far en fatschenta. Spert vegn lura la dumonda dal patrun, sch'il collavuratur è gia stà tar il medi.
La lescha na scriva betg avant ch'il collavuratur sto purtar in attest. Il collavuratur è dentant obligà da mussar si ch'el è malsaun, e quai davent dal prim di. Quai e natiralmain il pli simpel cun in attest dal medi.
Attest online
Tge far, sch'ins na vul betg ir tar il medi? Fitg simpel e strusch da crair - ma ussa datti in'autra pussaivladad. Ins po era pusstar in attest online.
Ma adatg, sch'il patrun da lavur ha l'impressiun che ses collavuratur ha obtegnì in attest da medi che n'è betg correct, lura ha el la pussaivladad da trametter el u ella tar in agen medi da confidenza (Vertrausenarzt). Pia megler è dad esser sincer e mo restar a chasa cura ch'ins è vairamain malsaun e da purtar in correct attest!
