Siglir tar il cuntegn

Header

Navigaziun

cuntegn

Battaporta Robbie Williams: Il showcase exclusiv dal superstar

Il superstar englais ha pudì legrar a Turitg 200 fans che han pudì gudagnar tickets exclusivs tar las staziuns da radio da RTR, SRF, RTS e RSI. El ha chantà quatter chanzuns da ses nov album «The heavy entertainment show» – en versiun acustica. E sco dessert ha el anc regalà il megahit «Angels».

Livio Chistell discurra cun Robbie Williams

Cun microfon en il satgados ed ina detga purziun curaschi è il mister parada da hits dal Radio Rumantsch, Livio Chistell, ì vers Turitg. Sia missiun: far in'intervista cun Robbie Williams.

Ses tuns e sias impressiuns ha el lura preschentà en in'ura speziala davart Robbie Williams en il Radio Rumantsch – sa chapescha cun blera musica dal superstar mundial.

L'inscunter da las victuras da RTR cun Robbie

Per las duas victuras dal Meet & Greet cun Robbie Williams hai gì num esser ad ura a Turitg e guardar ta tegnair calm las nervas. Noss moderatur Livio Chistell ha accumpagnà ellas.

Legenda: Guardar il video Meet me Robbie Williams. Durada 01:49 minutas.
Or da Battaporta dals 16.11.2016.

 

L'acziun RTR per gudagnar tickets per il schowcase

L'incumbensa è stada da far ina petta u in dessert tut spezial e quels cun las duas pli bellas e creativas propostas han pudì gudagnar.

Cun tut las fotos da desserts è Livio Chistell ì tar ina experta dal dultsch ch'ha decidì, tgenin dessert ch'è il pli original – e cunquai era tgi ch'ha dastgà ir al Meet & Greet. E gudagnà han...

Legenda: Guardar il video Victur concurrenza Robbie Williams. Durada 02:09 minutas.
Or da Battaporta dals 09.11.2016.

Meet & Greet cun Robbie Williams (2 x 1 bigliet)

  • Sarah Wikus
  • Ida Pally

Visita al showcase (2 x 2 bigliets)

  • Nicolas Alu
  • Shirley Michael

Tge che po tut capitar, sch'ins inscuntra Robbie Williams

La redactura RTR Oceana Galmarini aveva il 2014 gì in'idea tut speziala per far ina surpraisa a Robbie Williams. E la finala hai lura dà ina surpraisa per Oceana tar l'intervista...