Siglir tar il cuntegn

Battaporta MOBILE STORIES

Has ti talent per raquintar istorgias ed es creativ? La SSR less ensemen cun TAI far curtas istorgias mobilas per instagram, facebook & co.

Has ti ina buna idea? Lura dai!
Legenda: Has ti ina buna idea? Lura dai! SSR

Gia la segunda giada lantscha la SSR ina concurrenza per istorgias mobilas (mobile stories), ch’èn da vesair fin l’atun 2018 sin plattafurmas sco instagram e facebook.

1. Cundiziuns generalas

  • producziun qualitativa cun pitschens custs
  • integraziun da meds da mobile tipics (filter, emojis, tatgaders etc.)
  • plattafurmas: instagram e/u facebook e/u autras cun il focus «Stories»
  • caracter da seria
  • avert per tut ils geners (reportascha, ficziun, animaziun, cumedia etc.)
  • cuntanscha in public giuven (15 fin 24 onns)
  • focus sin temas universals ed originals

2. Dretg da participaziun

La concurrenza è per tut ils interessads (influencers, amaturs da youtube, producents, agenturas, students ed auters creativs) cun domicil en Svizra.

3. Inoltraziun dals projects

Tramettai fin venderdi ils 20 d’avrigl 2018 las suandantas indicaziuns a mobilestories@srgssr.ch, il link avra en ina nova fanestra:

  • sinopsa
  • concept visual (teaser, moodboards etc.)
  • preventiv
  • plan da producziun
  • strategia d’evaluaziun (incl. disposiziun d‘ina community)

4. Rom finanzial

La SSR posseda in rom finanzial da maximalmain CHF 200‘000 per ils projects elegids.

5. Contract e dretgs

La SSR acquista cun la conclusiun dal contract tuts ils dretgs vid ils projects (producziun d’incumbensa).

6. Termins

  • lantschada: 12 da mars 2018
  • inoltraziun dals projects: 20 d‘avrigl 2018
  • selecziun dals projects: matg 2018 (giuria da la SSR)
  • producziun: dal matg fin l’atun 2018
  • evaluaziun: fin il pli tard fin 2018