Longboarder Joel Santos - per mai è quai libertad

La gronda passiun da Joel Santos è il longboardar. Ina sort skateboard pli lung ch’è fatg per ir giu per vias e pass. Malgrà ch'el va pir dapi in on, va el gia sin in aut niveau. Finamiras pli grondas n'ha el dentant betg. I giaja per la cumpagnia, l'agen svilup ed il divertiment.

Astg’ins quai insumma?

Tenor indicaziuns da la Polizia Chantunala Grischuna han longboarders da prinzipi da druvar il passape. Sin via vegnan longborders dentant tolerads:

  • en la zona da 30.
  • sin vias lateralas cun fitg pauc traffic e senza passape.

Dentant attenziun: Il criteri «pauc traffic» dat in grond spazi d’interpretaziun uschè ch’il policist pudess vesair quai auter ch'il longboarder. En cas pli grevs po il policist dar chastis da fin 500 francs.

Gian-Marco Maissen