World Skills - Fatgs davart Abu Dhabi per far impressiun a tes amis
Abu Dhabi en ils Emirats Arabs Unids è ina citad fitg bainstanta. Ed ils dad Abu Dhabi han gia gì ina u l’autra idea «creativa» tge far cun tut ils raps ch'els han gudagnà cun vender ieli e gas.
Ina terra muslima, il dresscode è però «legere». Sch'ins n`è betg sper la mar u en il pool ston be las spatlas ed las schanuglias esser cuvertas.
L'october poi dar tranter 23 e 37 grads. Il pli chaud vegni l'avust cun maximalmain 43 grads.
Ed ussa: Bunamain 5 coolas (e charas) chaussas ch'i dat ad Abu Dhabi
1 / 5
Legenda:
Ferrari World
Quai è il pli grond parc da divertiment sut tetg dal mund. Sco ch'il num di gia è il parc deditgà ad la marca dad autos cotschna. La surfatscha sut tetg correspunda a la grondezza da set plazzas da ballape.
Keystone
2 / 5
Legenda:
La Formula Rossa
è la pli svelta «Achterbahn» sin il mund. Ella sa numna Formula Rossa, è part da la Ferrari World e po daventar 240 kilometers per ura svelta. Perquai ch'ella è uschè svelta ston ils passagiers purtar egliers da protecziun durant la girada.
Reuters
3 / 5
Legenda:
Emirates Palace Hotel
Quest hotel da luxus ha custà ca. 3 milliardas francs e vala sco in dals pli chars hotels sin il mund. El sa chatta gist sper la mar ed è 1.3 kilometers lad. En quest hotel sa chattan 1'002 chandaliers, il pli grev da quel paisa 2.5 tonnas.
Keystone
4 / 5
Legenda:
Abu Dhabi Falcon Hospital
Mintg’onn vegnan tgirads 6'000 falcuns en il pli grond ospital da falcuns dal mund. El cuntegn davent da staziun intensiva, sala d’operaziun enfin tar labors tut. Il sulet che manca en congual cun in ospital normal è la televisiun en las stanzas da pazients (maletg simbolic).
Keystone
5 / 5
Legenda:
?
Nus na savain betg propi tge che quai duai esser ma i vesa ora cool e hey, quai è la crusch svizra sin la plazza aviatica ad Abu Dhabi.
Keystone
