L'atun 2018 ha RTR registrà dus concerts in pau spezials. A San Murezzan en la Laudinella ha gì lieu il concert da giubileum 20 onns La Cumbricula. Il medem mument era il concert da cumià dal fundatur e dirigent Jachen Janett. Cooperà han la furmaziun da famiglia C'est si B.O.N. e la figlia da Jachen Janett, la Sara-Bigna.
A Glion en claustra han il Chor Surselva ed il Cor Proget 18 da l'Engiadina concertà. Ils dus dirigents Rest G. Tuor e Curdin Lansel han preschentà sper perlas rumantschas era chants romantics da la litteratura mundiala. L'Artg musical porta insatgs da quels dus concerts.