SKJF – uffants e giuvenils chantan a Lugano

44 chors da l'entira Svizra han concertà, frequentà workshops e chantà en il liber, quai en il rom dal sisavel Festival svizzer per chors d'uffants e da giuvenils SKJF.

Uffants da Sumvitg- in concert
Legenda da maletgs: Chor d'affons Sumvitg cun Flavia Walder MAD

Dals 25 fin ils 28 da matg è stà a Lugano il festival SKJF cun passa 1'500 uffants e giuvenils. L'Artg musical porta il concert da sonda passada sin la Piazza Riforma, in concert da duas uras organisà dals radios da la SRG SSR.

Nus udin: I Cantori della Turrita e Coro Clairière Tessin, Choeur St.Michel Fribourg, Jugendchor A Tempo Basel ed il Chor d'uffants Sumvitg sco era furmaziuns instrumentalas.

Moderaziun: Olivier Bosia (RSI), Jean-Marc Richard (RTS), Guido Rüegge (SRF) e Giusep G. Decurtins (RTR).

Autur/a: Giusep G. Decurtins