Retus Giger ha surdà il scepter da la UCC

En ils 13 onns che Retus Giger da Surrein è stà al timun da l'Uniun chantunala da chant dal Grischun han duas festas chantunalas gì lieu (Cuera e Trun) ed il Chor da giuvenils grischun è vegnì fundà.

purtret da Retus Giger
Legenda da maletgs: Retus Giger RTR

Dasper quests accents marcants ha Retus Giger guidà l'Uniun chantunala tras in temp tuttavia betg simpel (digren da la cifra da chors, mancanza da dirigentAs). E tuttina: Retus Giger ha surdà l'Uniun chantunala en in bun stadi a sia successura Lucretia Bärtsch. Quai è capità a chaschun da la radunanza da delegads da mez mars a Domat. En l'Artg lascha el reviver bels muments da quest temp.

Redacziun: Giusep G. Decurtins