kontra.cant a Falera

Concert da l'ensemble vocal kontra.cant a Falera 

kontra.cant en baselgia s. Rumetg Falera
Legenda da maletgs: kontra.cant ils 10 da zercladur 2017 a Falera MAD

La sonda dals 10 da zercladur ha Falera dà tetg a la Festa da chant sursilvana. En quest rom han era gì lieu concerts . In concert tadlain nus en l'Artg musical. En la baselgia da Sogn Rumetg ha kontra.cant concertà. Flavio Bundi e ses 20 chantadurAs han interpretà cumposiziuns da Flavio Bundi, chanzuns tenor poesias da Victor Durschei («L'alva sedesta»), Arnold Spescha («Las stagiuns»), Gian Fontana («Ti eis tgeua»), chants sacrals («Alleluja e Benedictus») ed intermezzis per piano (Flavio Bundi ) e cello (Niklaus von Arp). Sco surpraisa han els chantà ensemen cun Mattiu Defuns «Mia patria» ed «Aunghel pertgirader miu».

Redacziun: Giusep G. Decurtins