German Brass - musica da sturs ed umor (2. part)

Purtret da la gruppa German Brass.
Legenda da maletgs: La gruppa German Brass. MAD

In sound fascinant, ina tecnica briglianta ed ina moderaziun pli che originala - quai è la noda-chasa da German Brass. Dapi 1974 exista questa furmaziun che dumbra 10 solists. Musica seriusa, fidela, musica da divertiment ed experimentala: German Brass è da chasa en ils pli divers stils, dal baroc, classica, romantica fin al dixie e bossanova. RTR ha registrà il concert dals 26.09-2012 a Lucerna. Da quest porta l'Artg la secunda part cun musica da Hary James, Jacob Garde, Johann Strauss, Antonio Carlos Jobim, Giuseppe Verdi, Leroy Anderson, Frank Sinatra, Genn Miller e Gioacchino Rossini.
Redacziun: Giusep G. Decurtins

Autur/a: RTR/df