Ensemen cun l'Associaziun svizra da la musica populara / Verband Schweizer Volksmusik VSV ha la gruppa interregiunala «Folclora» da la SRG SSR realisà ils 20.01.2018 a Gais/AR en il Hotel Krone diversas emissiuns da musica populara. Set chapellas da tut la Svizra han sunà là per SRF «Musikwelle», RTS «Kiosque à Musiques», RSI «Finestra popolare» e RTR «Artg musical». Divers represchentants dal VSV han dà pled e fatg.
L'Artg musical porta en ina segunda part impressiuns da quel inscunter musical. Nus udin las furmaziuns: Ländler-Chutze (Bern), Original Appenzeller Striichmusig Neff, Ländlerquartett Les Spitzberg (Giura) e per la musica populara innovativa il Trio Robin Mark (Grischun).