CONSONUS è era il credo da l'ensemble vocal cun quest num. E quel CONSONUS laschain nus vegnir a tun en l'Artg musical. Nus tadlain parts dal concert che RTR ha registrà ils 23-03-19 a Cuira en la baselgia dal Salvader. Tgi è Consonus? Quella furmaziun sa cumpona da 30 chantadurAs bain scolads, giuvnas e giuvens da la regiun: Grischun-Svizra Orientala-Luzern-Turitg. In chor che tgira in chant da qualitad cun in spectrum lartg – diversas epocas, diversas terras e culturas, divers stils tutgan tar il repertori. Mauro Ursprung ha fundà CONSONUS ed el dirigia.
Redacziun: Giusep G. Decurtins