Chor viril Surses – in omagi a Gion Giusep Derungs

Il dirigent d'onur dal Chor viril Surses ha festivà ils 15 d'avrigl ses 85avel.

Gion Giusep Derungs - per ses 85avel
Legenda da maletgs: Gion Giusep Derungs - cumponist e dirigent MAD

Il Chor viril Surses ha gratulà a ses dirigent d'onur cun in concert da giubileum. Rainer Held, dapi dus onns dirigent dal Chor viril da Surses, ha tschernì in program fitg varià. Dasper chanzuns da divers cumponists ha il chor interpretà l'enconuschent ciclus «Maletgs da Segantini», sco anc duas primaudiziuns dal giubilar «Cun stiertas e stortas» e «Mors et vita duello». Il HeartKhor ensemble (dir. Lisa Appenzeller) è stà giast da la saira. Pianista: Salome Nold. L'Artg porta parts dal concert registrà da Pasca a Riom.

Redacziun: Giusep G. Decurtins