L'Artg musical porta ina giada chant e musica per Epifania/Bavania, la festa dals Trais Retgs. Nus udin Hannes Meyer a l'orgla e diversas furmaziuns vocalas.
Il Silver String Quartett da l'Ucraina presenta ina nova cumposiziun da Gion Giusep Derungs (*1932) intitulada «Epiphania für Streichquartett» – ina registraziun da RTR da l'october 2017 en la baselgia da Segnas. Dal medem concert è era il Quartettino für Streichquartett, che Duri Sialm (1891-1961) oriund da Segnas ha cumponì 1957.