Ils 10 da settember 2017 èsi 110 onns dapi la naschientscha dal magister da musica, organist, dirigent e cumponist Armon Cantieni, oriund da l'Engiadina Bassa, stà sesent a Cuira. Là è el mort l'onn 1962.
Cantieni ha laschà enavos in'ovra che cumpiglia 153 numers: chanzuns per chor e solo, cumposiziuns per orgla e clavazin ed ovras voluminusas per chor ed orchester. Sia musica tutga tar il meglier da quest gener da la Rumantschia. Dus Artgs musicals portan musica da l'impurtant cumponist ladin (2. part: 10.9.2017, 14:00).