L'entschatta 1984 ha RTR surpiglià la producziun da chant e musica che vegniva fatga fin là dal Studio da radio DRS Turitg. Il medem mument ha il Radio Rumantsch schlargià ses program da 40 minutas al di sin 6 uras ed uschia stgaffì novas emissiuns. Ina - l'Artg musical!
Producziun da musica ed Artg musical èn schumellins. Il 2019 èn plirs Artgs deditgads a quest giubileum e laschan reviver «bels muments» da questa lavur.
La 6avla part tracta ils onns 2015-2018. Nus dudin ils chors: Donnas da Vaz, Surses, CantAurora, La Cumbricula, Ligia Grischa, Sevgein, Sogn Gions Mustér ed Ardez. Lura las musicas da: Danis/Tavanasa, Trun, Sagogn, Zernez, Sent e las furmaziuns spezialas: Calamus Trio, Blaskapelle Blazenka Engiadina, Maria R. Wesselin & Clau Scherrer e Sara-Bigna Janett & cumpagnia.
Redacziun: Giusep G. Decurtins