Siglir tar il cuntegn

Header

audio
Chatrina Gaudenz: «In ‹na› è in ‹na› e sto vegnir respectà»
Or da Vita e cretta dals 22.11.2020. Maletg: SRF, Marion Nitsch
laschar ir. Durada: 10 minutas 23 Secundas.
cuntegn

Vita e cretta Chatrina Gaudenz: «In ‹na› è in ‹na› e sto vegnir respectà»

Ellas vegnan vulneradas, offendidas, violadas. E quai en las atgnas quatter paraids, da quellas persunas, ch’èn atgnamain qua per charezzar ellas: lur agens partenaris. Ellas èn dunnas, che fan experientschas cun violenza a chasa.

Violenza a chasa capita dapertut sin il mund, dentant er tar nus, en il Grischun: La polizia grischuna ha registrà 196 cas da violenza a chasa l’onn 2019, oravant tut envers dunnas. E quai èn mo ils cas ch'èn vegnids a la glisch.

Mesemna, ils 25 da november è il di internaziunal per l’eliminaziun da violenza envers dunnas. La teologa Chatrina Gaudenz è plevonessa refurmada e spirituala a Turitg ed accumpogna e cusseglia dunnas pertutgadas.

Violenza envers dunnas ed uffants fa part dal pensar da tschertas parts ultraconservativas da nossas baselgias
Autur: Chatrina Gaudenz plevonessa refurmada

En Vita e cretta emprova ella da sclerir la rolla da las baselgias naziunalas en chaussa. San spirituals catolics e spiritualas catolicas, che vivan sez en sistems patriarcals, insumma cussegliar pertutgads e pertutgadas? Tge fan las baselgias encunter violenza, er tala entaifer lur atgnas instituziuns? E tge savain nus tuts far encunter violenza a chasa?

Nus stuain cumbatter mintga singula emprova da zuppentar violenza envers dunnas, qua vala nulla toleranza
Autur: Chatrina Gaudenz plevonessa refurmada

RTR Vita e cretta 08:00

Artitgels legids il pli savens