Siglir tar il cuntegn

Header

audio
Mariano Tschuor – «Il proxim termin per eleger l'uvestg è Pasca»
Or da Vita e cretta dals 22.11.2020.
laschar ir. Durada: 04:30 minutas.
cuntegn

Nov uvestg da Cuira Mariano Tschuor – «L'uvestgieu è en ina situaziun desolata»

Il proxim termin per eleger il nov uvestg da Cuira è probablamain Pasca.
Autur: Mariano TschuorPresident da la cumissiun da medias da la conferenza dals uvestgs svizzers

Il dossier per eleger in nov uvestg da Cuira para anc betg dad esser pront. In motiv po esser ch’il nunzi apostolic, il delegà dal papa en Svizra banduna Berna la fin da quest onn. Mariano Tschuor, il president da la cumissiun da medias da la conferenza dals uvestgs svizzers manegia perquai ch’i pudess vegnir Pasca fin tar l’elecziun.

L’uvestgieu da Cuira è en ina situaziun desolata.
Autur: Mariano Tschuor

Uschia analisescha Mariano Tschuor la situaziun actuala.

Qua datti uschè bleras stgaglias, uschè pauca fidanza ch’jau strusch poss m’imaginar ch’in plevon cun forza da lavur, cun ina visiun per ina baselgia da Jesus stat a disposiziun dad entrar en quest vesprer.
Autur: Mariano Tschuor

I stoppia esser cler a la persuna che suonda a Vitus Huonder sco uvestg da Cuira ch’igl è in dals pli difficils posts ch’èn il mument d’occupar en la baselgia catolica, forsa betg universala dentant da l’Europa. Qua dettia tanta lavur da mediaziun, da pacifitgar la situaziun. Il nov uvestg stoppia esser ina persuna cun ina ferma tenuta, cun fermas spatlas, di Mariano Tschuor.

Jau sper sin nagin auter che sin il Sontg Spiert che lez fetschia sia lavur.
Autur: Mariano Tschuor

RTR Vita e cretta 08:00

Artitgels legids il pli savens

Scrollar a sanestra Scrollar a dretga