Rassissem è il tema che dominescha las medias suenter il mazzament violent da l'Afroamerican George Floyd entras in policist da pel clera a Minneapolis. Quel tema muventa la glieud, procura per vivas discussiuns e blers conflicts. E quai è era betg auter entaifer ils cunfins rumantschs.
Tar nus stat la discriminaziun rassistica en stretga colliaziun cun la lingua. Tge colliaziun che quai è, sco che la situaziun è stada pli baud e per tge motivs ch'i deva e dat discriminaziun rassistica er entaifer la communitad rumantscha, declera il filosof, autur e publicist Iso Camartin, ch'è scienzià ed expert da la lingua e la cultura rumantscha.
audio
Pled sin via dad Andri Casanova
ord Vita e cretta dals 28.06.2020.
laschar ir. Durada: 4 minutas 43 Secundas.