Siglir tar il cuntegn

Header

audio
Vita e cretta dals 21.02.2021 – entira emissiun
Or da Vita e cretta dals 21.02.2021.
laschar ir. Durada: 59:30 minutas.
cuntegn

In viva sin la vita Liora Abergel – Purim duai esser in di ventiraivel

Purim è in viva sin la vita, ch'ils gidieus da l'imperi persian han survivì malgrà ch'els tuts avessan duì vegnir mazzads en be in di.

Purim è ebraic e vul di tant sco sort, destin. Ma purim vul er dir casualitad perquai ch’en l’imperi persian avessan tuts gidieus duì vegnir mazzads en in di. E purim è quai di da festa che celebrescha che quai n’è betg succedì.

Purim vegn festivà en il rom da la famiglia dentant er cun amis.
Autur: Liora AbergelCollavuratura da la Federaziun Svizra da las communitads israelitas

Il spezial è che cartentas e cartents s’entaupan en la sinagoga decorada e blers vegnan costumads sco quai ch’ins enconuscha dal tschaiver.

Igl è ina festa legra, legraivla, cun bler da mangiar e da baiver.
Autur: Liora Abergel

Il past da festa è in dals duairs da quella festa, sco er ch’i vegn fatg regals e donaziuns. In ulteriur duair è dad ir en la sinagoga e tadlar il cudesch Esther. Ester ch’era la dunna dal retg dals persians e ch’ha gidà da spendrar ils gidieus.

Purim vegn quest onn festivà ils 25 e 26 da favrer.

RTR 08:00 vita e cretta

Artitgels legids il pli savens

Scrollar a sanestra Scrollar a dretga