Siglir tar il cuntegn

Header

audio
«Nus faschain dal bun e discurrin da quai»
Or da Vita e cretta dals 16.01.2022. Maletg: MAD
laschar ir. Durada: 59 minutas 15 Secundas.
cuntegn

Vita e cretta «Nus faschain dal bun e discurrin da quai»

Il standard da viver en Svizra è fitg aut – forsa è povradad perquai anc adina in tabu. Dentant po povradad tutgar mintgin e mintgina, e quai d’in di a l’auter. Sustegn porscha per exempel la Societad d’agid evangelica Cuira.

En las stretgas po ins spert vegnir. En situaziuns da malsognas, suenter in divorzi ubain sch’ils daners na tanschan simplamain betg a la fin dal mais per rabagliar tras l’entira famiglia.

Per il solit ins sa turpegia d'admetter ch'ins è pover, ed i va ditg enfin ch'ins sa lascha gidar. Blers na fan insumma mai quest pass.
Autur: Corina Pfiffner presidenta Societad d'agid evangelica Cuira

E gist perquai saja l’agid d’instituziuns caritativas impurtant, menziunescha Corina Pfiffner. Ella presidiescha la Societad d’agid evangelica Cuira. Quella porscha sustegn nunbirocratic cura che las instanzas publicas vegnan a lur cunfins. Finanzià vegn il sustegn cun donaziuns, legats, contribuziuns da commembradi ubain cun collectas.

Uschia pon per exempel vegnir pajads ina giada ils custs per in quint, in fit da l’abitaziun u chaussas nizzaivlas per famiglias sco in char annex per velos.

Enstagl d'investir daners en reclama, realisain nus plitost projects che fan senn. Quels èn alura er ina buna reclama per nossa uniun.
Autur: Corina Pfiffner presidenta Societad d'agid evangelica Cuira

Pertge che la societad ha per part gronda fadia da cuntanscher persunas en miseria, pertge ch’ins na vul tuttina betg far reclama e tgi che po profitar da l’agid da la Societad d’agid evangelica, da quai raquinta Corina Pfiffner en Vita e cretta.

audio
«Nus faschain dal bun e discurrin da quai» – part 1
ord Vita e cretta dals 16.01.2022.
laschar ir. Durada: 5 minutas 19 Secundas.
audio
«Nus faschain dal bun e discurrin da quai» – part 2
ord Vita e cretta dals 16.01.2022.
laschar ir. Durada: 2 minutas 53 Secundas.

Vita e cretta 08:00

Artitgels legids il pli savens