Vita e cretta - Il pon da bara da Turin – inscunter cun in fenomen
El è in dals objects ils pli dispitaivels en il mund da la baselgia: Il pon da bara da Turin. El muventa ils umans dapi tschientaners. Fertant che l'original è serrà en a Turin en ina chapella speziala – è da vesair actualmain ina copia a Wädenswil.
Per ils ins è el il vair pon da bara da Jesus, per las autras ina sfalsificaziun medievala ed insumma in’istorgia da sfiflas – il pon da bara da Turin. Segir è dentant, che quest pon è plirs tschientaners vegl e ch’el occupa dapi tschientaners il mund cristian. Ina copia dal pon è da vesair actualmain en la baselgia catolica a Wädenswil.
Dapi ils 15 d'avust fin ils 26 da settember mussa la baselgia in’exposiziun ambulanta dals Maltais tudestgs, che sa deditga a la dumonda: Tgi è l’um sin il pon? Ina visita a l'exposiziun mussa: Ils Maltais san en sasez la resposta. Malgra il segn da dumonda en il titel insinuescha l'exposiziun ch'i sa tracta dal vair pon da bara da Jesus. Il pon, ch'è senza dubi ina funtauna istorica extraordinaria, daventa nagut auter ch'ina cumprova da la levada.
Per la Vita e cretta è Isabelle Jaeger stada a guardar l’exposiziun ed a discurrer cun il cuniniziant dal lieu d’exposiziun Wädenswil, cun il diacon permanent Andreas Neira.
audio
Il pon da bara da Turin – inscunter cun in dals fenomens catolics ils pli pussants
06:46 min, ord Vita e cretta dals 22.08.2021.
Maletg: RTR, Isabelle Jaeger
laschar ir. Durada: 6 minutas 46 Secundas.
audio
Tgi è l’um sin il pon? Ina perspectiva religiusa ed ina scientifica