Siglir tar il cuntegn

Header

Rezia Ladina Peer chantond.
Legenda: Rezia Ladina Peer. MAD
cuntegn

Top Pop Rumantsch Top Pop Rumantsch cun Rezia Ladina Peer

6. Top Pop Rumantsch cun Rezia Ladina Peer e la chanzun «Meis frar».

Rezia Ladina

Rezia Ladina è naschida ad Aschera ils 2 da december 1984 en ina famiglia da purs. Sia giuventetgna ha ella passentà a Ftan; suenter la matura 2003 a l'Institut Otalpin da Ftan ha ella lavurà in temp en in ospital a Losanna, sa deditgond specialmain ad uffants ed attempads. Tras la Scola da musica San Murezzan ha Rezia Ladina scuvert sias affinitads al jazz e soul. Intginas cumparsas spontanas en la regiun han confermà ses giavisch da cuntinuar cun la musica e da s'inscriver a la Scola da jazz a Berna. En il fratemp chanta ella sco chorista en la gruppa dal raeggunz bernais-maroccan Samir Essahbi; ses proxim pass è in'atgna band.

Realisaziun

Cumposiziun e text: Rezia Ladina Peer
Accumpagnament: André Brügger (g), Andreas Renggli (key), Andreas Aeberhard (bs), Kevin Chesham (dr)
Musica addiziunala: Dani Hertach (bs), Ephrem Lüchinger (p), Marius Deflorin (sax)
Producziun e programmaziun: Manfred Zazzi

Text da la chanzun: Meis frar

Pigl'in man teis cour
e fa tia via in teis möd
superbgia d'esser tia sour,
perquai ch'eu craj in tai ed in teis böt.
chi saja chenün chi vöglia,
tü sast quai schon far.
saiast leiv sco 'na föglia
in teis anim, quai am fess plaschair

frar amà tü nu sast, ch'eu per tai am coppess
sarà quia per tai – in mincha cas

nu't laschar dir d'ingün
co chi guard'our'in tai.
lascha gnir tras ün pa glüm,
la forz'e qualità chi'd es in tai
nut po tour ingün uman,
tilla poust pür muossar!
istess che cha tschels dischan e dscharan –
tü sast quai schon far!

frar amà tü nu sast, ch'eu per tai am coppess
sarà quia per tai – in mincha cas
e scha hast feil dam a mai, eu til vögl portar per tai.