Siglir tar il cuntegn

Header

Purtret da Braida Janett.
Legenda: Braida Janett. MAD
cuntegn

Top Pop Rumantsch Top Pop Rumantsch cun Braida Janett

21. Top Pop Rumantsch cun Braida Janett e la chanzun «Schmetta cun quai».

Braida Janett

Braida Janett, annada 1993, pendulescha tranter sia chasa paterna a Tschlin (ses
bab fa part dals famus Fränzlis) e ses lieu da scola a Cuira, nua ch'ella frequenta la 3. classa da la scola chantunala. Ella n'ha anc nagina finamira professiunala, ha però tschernì la musica sco accent da ses studis.

Braida Janett è creschida si en in vast mund musical, cun clavazin classic en scola e saxofon en la musica da vischnanca, ses gusts van «da piz a chantun» e sia avertadad è program. E perquai n'ha ella er nagin problem d'intunar ina chanzun scritta sin mesira. La finala quinta la vusch - ina vusch frestga e genuina!

Realisaziun

Interpreta: Braida Janett
Musica, arranschament e producziun: Manfred Zazzi
Text: Roland Vögtli
Ghitarra: Jean-Pierre Von Dach
Chor: Leyla Stuber

Text da la chanzun: Schmetta cun quai

Uei che voust,
ti'ögliada,
tü est eir ün da quels,
chi vezza be quai cha'l voul,
ed eu sun qua,
e'm saint masürada,
tenor stil e meis pais.
Inaspettadamaing hast ruot, bod tuot!

Tü at volvast be, volvast be,
ed eu di schmetta, schmetta!
Schmetta cun quai,
lascha a mai.

Uschè dastrusch,
co cha tü m'est,
sun rivà be pacs,
ed eu less eir cha tü sast,
eu sun qua,
per tai cun plaschair,
amur e paschiun.
Inaspettadamaing es tuot,
fos vi da mai!

Tü at volvast be, volvast be,
ed eu di schmetta, schmetta!
Schmetta cun quai!

Ingio chi's guarda's vezz'
adüna inchün,
chi'd es plü ferm, plü grond, plü bel,
dutsch co meil,
inchün chi croda sü in t'üna jà!
Eir sch'id es uschè,
lessa dir a tai meis char,
e taidl'a mai,
i da be ün co tü!