Siglir tar il cuntegn

Header

video
«Neu e mira»
Or da Giuventetgna dals 30.11.2015.
laschar ir. Durada: 4 minutas 6 Secundas.
cuntegn

41avel Top Pop Rumantsch Acavoce cun «Neu e mira»

Radiotelevisiun Svizra Rumantscha (RTR) preschenta il 41avel Top Pop Rumantsch. Ina chanzun da Nadal cun il titel «Neu e mira». Quella vegn accumpagnada d’in videoclip armonic per il temp d’advent.

Acavoce

In veritabel popsong da Nadal - quai è stà il giavisch per il 41avel Top Pop Rumantsch. RTR ha chattà cun «Acavoce» in sextet che ha cumponì ed interpretà aposta per il Top Pop ina chanzun da Nadal. Per accentuar l’event festiv ha RTR producì in videoclip tar la chanzun. Uschia na po il public betg mo tadlar mabain era guardar la chanzun «Neu e mira».

«Neu e mira» è ina chanzun cun ina melodia che va bain en l’ureglia e che ha in messadi classic: In simpel invit d’admirar la glischur e splendur da Nadal, per uschia pudair emblidar in mument tut las bregias e crisas che inundan il mund qua ora.

Realisaziun

Musica:Flavian Gieriet

Text: Gaby Degonda

Producziun: Lou Zarra

Producziun video: RTR e Lou Zarra

Acavoce: Flavian Gieriet, Adriano Kollegger, Maurus Kressig, Agnes Niedermann, Gaby Degonda, André Niedermann

Text da la chanzun: Neu e mira!

Leu o el stgir glisch’ina steila

Sia glisch enzugl’il stgir uaul

mira! Col horizont tarlischa

l’entira val pertgira

quei ei magia ch’annunzia Nadal

La neiv sepusa e ruaussa

carmala pign e grond giuado

mira! Affons schi ventireivels

a nus fins e custeivels

quei la ventira ch’annunzia Nadal

Neu e mira quella glisch

che tarlischa o el stgir

Ella duei dar speronza, carezi’en abundonza

Pil mund che viva el stgir

La notg embratscha il misteri

neu dil nuegl in scutinem

teidla ! il vent a nus raquenta

da quella glisch pussenta

Gl’ei la historia che porta Nadal

Il muvel en nuegl raquenta

dalla nuviala dil Bambin

sentas? co la carezia nescha

ed en tiu cor sclarescha

quei il misteri e la magia da Nadal

Mira! Col horizont tarlischa,

quei ei magia ch’annunzia Nadal

Artitgels legids il pli savens