Oz lavura el tranter auter per la Casa Depuoz a Trun sco manader da la partiziun ambulanta.
La structura da la Casa Depuoz a Trun dat la pussaivladad, da sviluppar la lavur sociala en scola en l’entir Grischun.
E quai stat fitg a cor a Jürg Marguth. Las vischnancas pon quasi cumprar lavur sociala tar la Casa Depuoz, quella organisescha lura tut ed è er responsabla per la qualitad da quella. Ma la lavur sociala en scola ha anc potenzial, manegia Jürg Marguth.
Ozendi n’èsi betg pli pussaivel d’avair ina scola senza lavur sociala, tut è vegnì uschè cumplex. La scola è ina part dad in sistem ed i na va betg pli senza.