Durant l’emprendissadi n’avevan ellas ed els anc nagin computer. Ella haja perquai pir pli tard cumenzà cun quels apparats. Sia affinitad per cifras haja dentant gidà adina, saja quai sin il biro da taglia a Flem, u uss sco manadra dal Volg da Vuorz Andiast.
Mes buobs han mai survegnì daners da satg, els han adina stuì lavurar persuenter.
I deva onns che Christiana Spescha haja fatg 38’000 kilometers cun l'auto – quai surtut cun ses buobs per sustegnair lur sport da skis e ballape. «En noss auto avevan ils buobs da far pensums sco emprender pleds tudestgs», sa regorda ella.
L’atgna chasa hajan els quasi bajegià sez, quai sur dus onns. L’um dad ella, Serafin Spescha, è polier sin il bajetg.