Siglir tar il cuntegn

Header

audio
Lisa Dermont
Or da Profil dals 11.04.2020.
laschar ir. Durada: 1 minuta.
cuntegn

Profil Lisa Dermont – «Lisa, la Chinaisa» da Rueun

Ella ha studegià sinologia e vivì en China, proximamein dat ella sia emprima prelecziun tar il tema «cultura & conflicts» a la Scola auta spezialisada dal chantun Grischun a Cuira.

Dapi ch'il cornavirus occupa tut il mund è ella – sco entusiasta da la China - dumandada pli che mai sco intermediatura tranter las culturas . La Sursilvana ha studegià e vivì en China ed enconuscha bain la cultura chinaisa. Dapi 2 onns lavura ella sco assistenta e collavuratura scientifica a la Scola auta spezialisada dal chantun Grischun – nua ch'ella tgira tut ils projects en connex cun la China .

coras e draguns
Legenda: Il cor da Lisa batta per il Grischun e la China. RTR, Prisca Bigliel

La crisa actuala haja era sias bunas varts , di la dunna da 29 onns che s'interessescha era per la politica internaziunala. La solidaritad sin tut il mund saja pli gronda – uss stoppian era ils Stadis Unids e la China collavurar per far frunt a questa crisa.

Ella persunalmain giaudia quest temp pli ruassaivel ed il fatg da dastgar e savair far nagut. Ella saja uschiglio adina be sin il «trot» tranter Cuira, Turitg, Londra e Shanghai. Uss dettia ella blers gieus e realiseschia projects en ses perchasa.

video
Punk chinais - da Lisa Dermont
Or da Giuventetgna dals 09.04.2020.
laschar ir. Durada: 1 minuta 33 Secundas.

RTR Profil 09:00

Artitgels legids il pli savens