Siglir tar il cuntegn

Header

audio
Chasper Cadonau: «Jau sun pli gugent sez mes schef»
Or da Profil dals 23.05.2020.
laschar ir. Durada: 57:06 minutas.
cuntegn

Chasper Cadonau «Jau sun pli gugent sez mes schef»

L'architect da Ramosch circumscriva uschia in da ses debels.

Che la vita professiunala maina in di a chasper Cadonau en il sectur da construcziun, saja bunamain vegnì mess en tgina ad el, cun gist plirs confamigliars che han lavurà en quest sectur.

Atgnamain avess sia vita era pudì prender tut in'autra storta en direcziun sport professiunal da biatlon. Ina ferida dal dies ha finalmain fatg ir il giuven da Ramosch en in'autra direcziun. Suenter avair frequentà il giarsunadi sco dissegnader a San Murezzan, ha l'um dad oz 44 onns finalamain realisà in siemi e cumenzà il 2004 cun in agen biro d'architectura.

Avaina soziala

Dapi passa 20 onns fa Chasper Cadonau entant er part dal salvament svelt sanitari da la defaisa civila. Cun adina puspè lavurar en quella truppa, possia el er viver ora sia avaina soziala, uschia il bab da dus uffants. Uschia è l'architect stà en acziun durant in'emna la notg en l'ospital chantunal a Cuira per tgirar pazients cun il coronaviruss.

Cun lavurar sin ina partiziun d'urgenza vesas ti che la vita è simplamain in regal.
Autur: Chasper Cadonau

En il Profil raquinta l'affarist sportiv dapli da sia vita sur cunin. Chasper Cadonau viva dad ina vart en il Vnuost en l'Italia cun sia famiglia e da l'autra a Ramosch nua ch'el ha ses biro. L'Engiadinais raquinta dentant er pertge ch'el n'ha betg pli vulì realisar projects simplamain be pervi dals raps.

RTR Profil 09:00