Siglir tar il cuntegn

Header

video
Ils PLEDS dal 2004 fin oz …
Or da RTR dals 17.12.2017.
laschar ir. Durada: 36 Secundas.
cuntegn

Pled rumantsch 2017 A la tschertga dal Pled rumantsch 2017

Ensemen cun il public tschertga RTR ils 18 da december puspè il pled rumantsch da l’onn. Tschertgadas vegnan dentant era set parts d’ina istorgia. Questas parts èn zuppadas en las regiuns rumantschas grischunas.

  • propostas per il Pled rumantsch 2017 en pussaivlas fin glindesdi, ils 18-12-2017 a las 11.00
  • fin las 12.00 elegia ina giuria 5 pleds che van en l'online voting
  • a partir da las 12.00 fin las 15.00 po il public votar online per lur pled favurit ord ils top5
  • la giuria elegia medemamain lur pled preferì ord ils top5
  • ton giuria sco public han ina cumpart da 50%
  • a las 17.00 uras vegn il Pled rumantsch 2017 annunzià al Radio Rumantsch

La giuria dal Pled rumantsch 2017 sa cumpona dad Anna Alice Dazzi, linguista RTR, Anita Capaul, manadra da la chasa editura rumantscha e Gion Nutegn Stgier, schurnalist da l’Agentura da novitads rumantscha. Da tut ils pleds inoltrads elegia la giuria lur 5 favurits che van lura en il voting online. Da quels 5 pleds elegia la giuria ses Pled rumantsch da l’onn. Tant la giuria sco il public han ina cumpart da 50% tar l’elecziun dal Pled rumantsch 2017. La persuna che ha inoltrà la proposta che vegn elegida sco Pled rumantsch 2017 gudogna in bon da la Swiss en la valur da 500 francs. Tar pliras propostas medemas vegn tratg la sort.

La cumbinella

L’emprima classa secundara da la scola Surses scriva cun sia scolasta Zegna Pittet-Dosch ina istorgia curta che cuntegn ils pleds rumantschs dals ultims onns. Questa istorgia vegn partida en set parts e zuppada en diversas vischnancas en tut las regiuns rumantschas dal Grischun. Mintg’ura vegnan communitgads al Radio Rumantsch trais chavazzins che mainan al lieu dal zup, e quai mintgamai la bun’ura da las 06:00 fin mezdi da las 14:00. Audituras ed auditurs che chattan in capitel da l’istorgia pon s'annunziar en il studio dal Radio Rumantsch e preleger il chapitel ch’è adina scrit en l’idiom da la regiun. A la fin è l’istorgia cumpletta d’udir en plirs idioms e da leger online sin rtr.ch en la versiun originala en Rumantsch Grischun. Tar mintga zup sa chatta era in Radio DAB+ sco premi per il chattader u la chattadra.

Artitgels legids il pli savens